کراچی: عالمی اقتصادی غیر یقینی صورتحال کے باعث سونا ایک بار پھر ریکارڈ قیمت پر پہنچ گیا۔ پاکستان سمیت دنیا بھر میں سونے کی قیمت میں نمایاں اضافہ دیکھنے میں آیا ہے۔
آل پاکستان جیمز اینڈ جیولرز ایسوسی ایشن کے مطابق پاکستان میں فی تولہ سونا 10 ہزار روپے مہنگا ہو کر 3 لاکھ 38 ہزار 800 روپے کی بلند ترین سطح پر پہنچ گیا ہے۔
اسی طرح 10 گرام سونے کی قیمت میں بھی 8 ہزار 573 روپے کا اضافہ ہوا، جس کے بعد نئی قیمت 2 لاکھ 90 ہزار 466 روپے ہو گئی ہے۔
عالمی مارکیٹ میں بھی سونے کی قیمت میں بڑا اضافہ دیکھنے میں آیا، جہاں فی اونس سونا 100 ڈالر اضافے کے بعد 3218 ڈالر پر ٹریڈ ہو رہا ہے۔
