راولپنڈی: اڈیالہ جیل میں پاکستان تحریک انصاف (پی ٹی آئی) کے بانی عمران خان سے ملاقات کے لیے آنے والے پی ٹی آئی رہنماؤں اور عمران خان کی تین بہنوں کو پولیس نے حراست میں لے لیا۔
ذرائع کے مطابق پی ٹی آئی رہنما عمر ایوب، صاحبزادہ حامد رضا، احمد خان بچھر اور عمران خان کی بہنیں علیمہ خان، نورین خانم اور عظمیٰ خانم جب اڈیالہ جیل کے قریب پہنچے تو پولیس نے ناکے پر انہیں روک لیا۔ اس موقع پر پولیس اور رہنماؤں کے درمیان تکرار بھی ہوئی۔
پولیس نے تمام افراد کو گرفتاری کے وارنٹ دکھائے، جن میں بانی پی ٹی آئی کے کزن قاسم خان، احمد خان بچھر اور صاحبزادہ حامد رضا کے وارنٹ بھی شامل تھے۔ جب تمام افراد نے واپس جانے سے انکار کیا اور جیل جانے پر اصرار کیا تو پولیس نے انہیں حراست میں لے کر قیدیوں کی وین میں منتقل کر دیا۔
ذرائع کے مطابق آج کا دن عمران خان سے اہلِ خانہ کی ملاقات کے لیے مقرر نہیں تھا، اس کے باوجود ان کی بہنیں ملاقات کے لیے جیل پہنچیں
