کراچی:ایچ بی ایل پاکستان سپر لیگ (پی ایس ایل) 2025 کے دسویں ایڈیشن کے گیارہویں میچ میں کراچی کنگز نے ایک سنسنی خیز مقابلے کے بعد پشاور زلمی کو 2 وکٹوں سے شکست دے دی۔
یہ میچ کراچی کے نیشنل اسٹیڈیم میں کھیلا گیا، جہاں کراچی کنگز کے کپتان نے ٹاس جیت کر پہلے بولنگ کا فیصلہ کیا۔ پشاور زلمی نے پہلے بیٹنگ کرتے ہوئے مقررہ 20 اوورز میں 8 وکٹوں کے نقصان پر 147 رنز بنائے۔
پشاور زلمی کی بیٹنگ میں بابر اعظم نے 46، محمد حارث نے 28، الزاری جوزف نے 24 اور حسین طلعت نے 18 رنز اسکور کیے۔
کراچی کنگز کی جانب سے خوشدل شاہ اور عباس آفریدی نے شاندار بولنگ کا مظاہرہ کرتے ہوئے تین تین وکٹیں حاصل کیں۔
جواب میں کراچی کنگز نے 148 رنز کا ہدف میچ کے آخری اوور کی تیسری گیند پر حاصل کر لیا۔ ڈیوڈ وارنر نے شاندار 60 رنز کی اننگز کھیلی جبکہ خوشدل شاہ 23 رنز بنا کر ناٹ آؤٹ رہے۔
پشاور زلمی کی بولنگ میں لیوک ووڈ نے 3 جبکہ علی رضا نے 2 وکٹیں حاصل کیں۔
