اسلام آباد ہائیکورٹ نے توشہ خانہ ٹو کیس میں بانی پاکستان تحریک انصاف اور ان کی اہلیہ بشریٰ بی بی کی بریت کی درخواستوں کو جلد سماعت کے لیے مقرر کرنے کا حکم دے دیا ہے۔
جسٹس انعام امین منہاس نے کیس جلد سماعت کے لیے مقرر کرنے سے متعلق متفرق درخواست منظور کر لی۔ سماعت کے دوران وکیل خالد یوسف چوہدری نے عدالت سے استدعا کی کہ کیس سماعت کے لیے جلد تاریخ دی جائے۔
جسٹس انعام امین منہاس نے ریمارکس دیے: “میں نے آرڈر کر دیا ہے، اب آفس کیس سماعت کے لیے مقرر کر دے گا۔”
واضح رہے کہ بانی پی ٹی آئی اور ان کی اہلیہ نے توشہ خانہ ٹو کیس میں بریت کی درخواستیں دائر کر رکھی ہیں، جن پر اب جلد سماعت متوقع ہے۔
