اسلام آباد: الیکشن کمیشن آف پاکستان نے پاکستان پیپلزپارٹی کے انٹراپارٹی انتخابات کو درست قرار دے دیا۔ حکام کے مطابق، الیکشن کمیشن نے پیپلزپارٹی کے انٹراپارٹی انتخابات کے نتائج کی توثیق کرتے ہوئے پی پی پی کو سرٹیفکیٹ جاری کر دیا۔
الیکشن کمیشن کا کہنا ہے کہ پیپلزپارٹی کے چیئرمین بلاول بھٹو زرداری سمیت دیگر امیدوار بلامقابلہ منتخب ہوئے ہیں۔ اس کے علاوہ، پی پی پی کے سیکرٹری جنرل، سیکرٹری مالیات اور سیکرٹری اطلاعات بھی بلامقابلہ منتخب ہوئے تھے۔
