کراچی: ملک بھر میں سونے کی قیمتوں میں ایک بار پھر اضافہ ریکارڈ کیا گیا ہے، جس کے بعد فی تولہ سونا تاریخ کی نئی بلند ترین سطح پر پہنچ گیا۔
آل پاکستان جیمز اینڈ جیولرز ایسوسی ایشن کے مطابق 24 قیراط فی تولہ سونا 1900 روپے کے اضافے سے 4 لاکھ 42 ہزار 800 روپے کا ہو گیا۔
اسی طرح 10 گرام سونا 1629 روپے اضافے کے بعد 3 لاکھ 79 ہزار 629 روپے تک جا پہنچا، جو ملکی تاریخ کی اب تک کی سب سے زیادہ قیمت ہے۔
عالمی مارکیٹ میں بھی سونے کی قیمت میں مسلسل اضافہ جاری ہے، جہاں فی اونس سونا 19 ڈالر کے اضافے سے 4 ہزار 217 ڈالر پر پہنچ گیا۔
دوسری جانب چاندی کی قیمت مقامی اور عالمی مارکیٹ میں مستحکم رہی۔ فی تولہ چاندی 5 ہزار 337 روپے جبکہ 10 گرام چاندی 4 ہزار 575 روپے میں فروخت ہو رہی ہے۔ عالمی مارکیٹ میں فی اونس چاندی کی قیمت 52.50 ڈالر پر برقرار ہے۔
