اسلام آباد: انسداد دہشت گردی عدالت اسلام آباد نے پاکستان تحریک انصاف (پی ٹی آئی) کے سنگجانی جلسے سے متعلق مقدمات میں اہم پیش رفت کرتے ہوئے پارٹی کے کئی رہنماؤں کے ناقابل ضمانت وارنٹ گرفتاری جاری کر دیے۔
تفصیلات کے مطابق، جج طاہر عباس سپرا نے کیس کی سماعت کے دوران پی ٹی آئی رہنما عمر ایوب، زرتاج گل، زین قریشی اور علی بخاری کے ناقابل ضمانت وارنٹ گرفتاری جاری کیے اور حکم دیا کہ تمام ملزمان کو گرفتار کر کے عدالت کے روبرو پیش کیا جائے۔
سماعت کے دوران پی ٹی آئی رہنما شیر افضل مروت کی جانب سے کیس کی منتقلی کی درخواست بھی دائر کی گئی۔ عدالت نے اس درخواست پر نوٹسز جاری کرتے ہوئے فریقین سے آئندہ سماعت پر دلائل طلب کر لیے۔
عدالت نے کیس کی مزید سماعت 23 اکتوبر تک ملتوی کر دی۔
