لاہور: معروف اداکارہ نوال سعید نے حال ہی میں ساتھی اداکارہ اشنا شاہ کے شو میں گفتگو کرتے ہوئے اپنے مستقبل کے شریکِ حیات کے حوالے سے خیالات کا اظہار کیا۔ نوال سعید کا کہنا تھا کہ وہ فی الحال سنگل ہیں اور ان کی خواہش ہے کہ ان کا ہونے والا شریکِ حیات بردبار، باادب، مہربان اور سادہ مزاج ہو۔
انہوں نے کہا کہ وہ کسی دولت مند یا مشہور شخصیت کی تلاش میں نہیں بلکہ ایسے انسان کی خواہش رکھتی ہیں جس کے ساتھ رہنا آسان ہو، جو دکھاوا نہ کرے اور احترام و برداشت کو ترجیح دے۔ نوال سعید کے مطابق ایک اچھا شوہر وہی ہے جو سادگی اور خلوص سے بھرپور ہو۔
اداکارہ نے مزید کہا کہ انہیں کسی “ٹف گائے” کی تلاش نہیں بلکہ ایک “گرین فلیگ” یعنی مثبت سوچ رکھنے والے انسان کی ضرورت ہے۔ انہوں نے واضح کیا کہ وہ شادی کے حق میں ہیں، تاہم جلدبازی نہیں کرنا چاہتیں بلکہ صحیح وقت اور صحیح شخص کا انتظار کرنا زیادہ بہتر سمجھتی ہیں۔
