اسلام آباد: اسلام آباد کی انسدادِ دہشت گردی عدالت (اے ٹی سی) نے سنگجانی جلسہ کیس میں پاکستان تحریکِ انصاف (پی ٹی آئی) کے رہنما زین قریشی کے ناقابلِ ضمانت وارنٹ گرفتاری جاری کر دیے۔
کیس کی سماعت جج طاہر عباس سپرا نے کی، جس دوران عدالت نے پی ٹی آئی کے دیگر رہنماؤں عمر ایوب اور زرتاج گل کو اشتہاری قرار دینے کی کارروائی کا آغاز کرنے کا بھی حکم دے دیا۔
دورانِ سماعت، عدالت نے پی ٹی آئی رہنما علی بخاری کی حاضری سے استثنیٰ کی درخواست منظور کر لی۔
یاد رہے کہ سنگجانی جلسہ کیس میں پی ٹی آئی قیادت پر دہشت گردی اور امن عامہ میں خلل ڈالنے کے الزامات عائد ہیں۔ عدالت نے قبل ازیں ملزمان کو متعدد بار طلب کیا تھا، تاہم عدم حاضری پر سخت قانونی کارروائی عمل میں لائی جا رہی ہے۔
