لاہور میں پاکستان کرکٹ بورڈ (پی سی بی) نے متعدد قومی کرکٹرز کو مختلف بین الاقوامی لیگز میں شرکت کے لیے این او سی جاری کر دیے ہیں۔ ذرائع کے مطابق کھلاڑیوں کو ابوظہبی میں ٹی10 لیگ اور دبئی میں ہونے والی آئی ایل ٹی20 کے لیے منظوری دی گئی ہے۔
ابوظہبی ٹی10 لیگ کے لیے جاری کردہ این او سی 25 نومبر تک مؤثر ہوں گے، جبکہ دبئی کی آئی ایل ٹی20 لیگ کے لیے تین کھلاڑیوں کو 2 دسمبر سے 4 جنوری تک این او سی جاری کیے گئے ہیں۔
دبئی ٹی20 لیگ کے لیے فخر زمان، حسن نواز اور نسیم شاہ کو این او سی دیا گیا ہے۔
ابوظہبی ٹی10 کے لیے جن کھلاڑیوں کو اجازت ملی ہے ان میں افتخار احمد، خواجہ نافع، آصف علی، سلمان ارشاد، محمد عامر، عرفات منہاس، عرفان خان نیازی، اعظم خان، شاہنواز دھانی، عباس آفریدی، عاکف جاوید، میر حمزہ، عبید شاہ اور زمان خان شامل ہیں۔
واضح رہے کہ بابر اعظم، محمد رضوان، شاہین شاہ آفریدی، شاداب خان، حارث رؤف اور حسن علی پہلے ہی آسٹریلیا کی بگ بیش لیگ (بی بی ایل) میں شرکت کے لیے این او سی حاصل کر چکے ہیں۔
