ریاض: سعودی عرب میں جاری اسلامک سالڈیریٹی گیمز میں پاکستان کے مایہ ناز جیولن تھرو ایتھلیٹ ارشد ندیم نے شاندار کارکردگی دکھاتے ہوئے گولڈ میڈل اپنے نام کر لیا۔
فائنل میں ارشد ندیم نے 83.05 میٹر کی بہترین تھرو کی اور تمام حریفوں کو پیچھے چھوڑ دیا۔ یہ ارشد ندیم کا مسلسل دوسرا گولڈ میڈل ہے، جس سے پاکستان کا سر فخر سے بلند ہو گیا۔
پہلے راؤنڈ میں ارشد ندیم نے 75.44 میٹر کی تھرو کی، جبکہ یاسر سلطان نے 70.32 میٹر کی تھرو کی۔ دوسرے راؤنڈ میں ارشد نے اپنی برتری برقرار رکھی اور 83.05 میٹر تھرو کی، یاسر سلطان نے 74.43 میٹر کی تھرو کی۔ تیسرے راؤنڈ میں ارشد نے 82.48 میٹر کی شاندار تھرو کے ساتھ اپنی پہلی پوزیشن مضبوط کی، جبکہ یاسر سلطان تیسرے نمبر پر رہے۔ چوتھے راؤنڈ میں ارشد نے 77.06 میٹر اور یاسر سلطان نے 73.78 میٹر کی تھرو کی، جس کے بعد بھی ارشد نے گولڈ میڈل جیتا اور یاسر سلطان چاندی کا تمغہ حاصل کر لیا۔
یہ پاکستان کا اسلامک سالڈیریٹی گیمز 2025 میں پہلا گولڈ اور سلور میڈل ہے۔ پہلے پاکستان کے باکسنگ مین دو برانز میڈل جیت چکے ہیں، جس کے بعد اب پاکستان کے گیمز میں کل میڈلز کی تعداد چار ہو گئی ہے۔
