ممبئی: انٹرنیشنل کرکٹ کونسل (آئی سی سی) نے ٹی20 ورلڈ کپ 2026 کا باضابطہ شیڈول جاری کر دیا۔ بھارتی شہر ممبئی میں منعقدہ تقریب میں اعلان کیا گیا، جس میں بھارتی کپتان سوریا کمار یادیو، سابق کپتان روہت شرما، بھارتی ویمنز ٹیم کی کپتان ہرمن پریت کور اور سری لنکا کے آل راؤنڈر اینجلو میتھو شامل تھے۔
آئی سی سی کے مطابق ٹورنامنٹ کا پہلا میچ پاکستان اور نیدرلینڈ کے درمیان 7 فروری کو کولمبو میں کھیلا جائے گا، جبکہ بھارت اپنا پہلا میچ ممبئی میں امریکا کے خلاف کھیلے گا۔
شیڈول کے مطابق پہلا سیمی فائنل 4 مارچ کو کولکتہ جبکہ دوسرا سیمی فائنل اسی روز کولمبو میں ہوگا۔ فائنل میچ 8 مارچ کو احمد آباد یا کولمبو میں کھیلے جانے کا امکان ہے۔
شائقین کرکٹ کی توجہ کا مرکز روایتی حریفوں پاکستان اور بھارت کا اہم ٹکراؤ 15 فروری کو کولمبو میں ہوگا، جسے ہائی وولٹیج مقابلہ قرار دیا جا رہا ہے۔
