کراچی: معروف اداکارہ در فشاں سلیم کی ایک مختصر ویڈیو سوشل میڈیا پر تیزی سے وائرل ہوگئی، جس میں وہ مزاحیہ انداز میں اپنی بنائی ہوئی “ایک کروڑ روپے مالیت” کی پینٹنگ کے بارے میں گفتگو کرتی نظر آتی ہیں۔ ویڈیو اداکار و ہدایت کار دانش نواز نے اپنے انسٹاگرام اکاؤنٹ پر شیئر کی، جو دیکھتے ہی دیکھتے موضوعِ گفتگو بن گئی۔
ویڈیو میں دانش نواز در فشاں سے پوچھتے ہیں کہ انہوں نے کس چیز کی پینٹنگ بنائی ہے، جس پر در فشاں وائٹ بورڈ پر بنی ایک نیلی لکیر کی طرف اشارہ کرتے ہوئے مسکرا کر بتاتی ہیں کہ یہ “ایک کروڑ روپے مالیت کی پینٹنگ” ہے۔ اداکارہ مزید کہتی ہیں کہ نایاب اور مہنگی پینٹنگز اسی طرح بنتی ہیں اور اسی طرح فروخت ہوتی ہیں۔
ویڈیو میں دانش نواز کی آواز سنائی دیتی ہے جبکہ وہ بورڈ پر موجود لکیر نما پینٹنگ بھی دکھاتے ہیں اور در فشاں کے دعوے پر ہنستے ہیں۔
دونوں کی یہ ہلکی پھلکی اور مزاحیہ ویڈیو سوشل میڈیا پر خوب مقبول ہوئی۔ صارفین نے در فشاں سلیم کی سادگی اور معصومیت کی دل کھول کر تعریف کی اور مزاحیہ انداز میں لکھا کہ “یقیناً یہ پینٹنگ ایک کروڑ کی ہی لگتی ہے۔”
