لاہور: ٹی 20 ورلڈ کپ سے قبل پاکستان کرکٹ بورڈ (پی سی بی) نے قومی کرکٹ ٹیم کے دورہ سری لنکا کا شیڈول جاری کر دیا ہے۔ پاکستان کی ٹیم سری لنکا میں تین ٹی 20 میچز کھیلے گی۔
سیریز کا پہلا میچ 7 جنوری، دوسرا میچ 9 جنوری اور تیسرا میچ 11 جنوری کو کھیلا جائے گا۔ تینوں میچز دمبولا میں منعقد ہوں گے۔
پی سی بی کا کہنا ہے کہ یہ دورہ ٹی 20 ورلڈ کپ کی تیاری کے لیے انتہائی اہمیت کا حامل ہے اور ٹیم کو عالمی معیار کے میچز کے تجربے سے فائدہ ہوگا۔
