کراچی: پاکستان سٹاک ایکسچینج میں کاروباری ہفتے کے دوسرے روز بھی مثبت رجحان جاری رہا۔ کاروبار کے آغاز پر مارکیٹ میں تیزی دیکھنے میں آئی اور ہنڈرڈ انڈیکس میں 1000 سے زائد پوائنٹس کا اضافہ ہوا، جس کے نتیجے میں انڈیکس ایک لاکھ 71 ہزار 922 پوائنٹس کی بلند ترین سطح پر پہنچ گیا۔
گزشتہ کاروباری دن کے اختتام پر ہنڈرڈ انڈیکس 876 پوائنٹس کے اضافے کے ساتھ ایک لاکھ 70 ہزار 741 پوائنٹس پر بند ہوا تھا، جس کے بعد مارکیٹ میں مسلسل تیزی کا سلسلہ دیکھنے میں آیا۔
دوسری جانب انٹر بینک میں امریکی ڈالر کی قدر میں معمولی کمی ہوئی، ڈالر 280.31 روپے سے کم ہو کر 280.30 روپے پر پہنچ گیا۔
