اسلام آباد: پاکستان نے وینزویلا میں پیدا ہونے والی کشیدہ صورتِ حال پر گہری تشویش کا اظہار کرتے ہوئے وہاں کشیدگی میں کمی کا مطالبہ کیا ہے۔
دفتر خارجہ کے ترجمان نے جاری بیان میں کہا کہ پاکستان وینزویلا کے عوام کی فلاح و بہبود کو اہمیت دیتا ہے اور بحران کے خاتمے کے لیے ضبط و تحمل اور تحمل مزاجی کی ضرورت ہے۔ انہوں نے زور دیا کہ تمام مسائل کے حل کے لیے اقوامِ متحدہ کے منشور اور بین الاقوامی قوانین کی پاسداری ضروری ہے۔
ترجمان نے مزید کہا کہ پاکستان وینزویلا میں پیش رفت پر مسلسل نظر رکھے ہوئے ہے اور وہاں مقیم پاکستانی برادری کی سلامتی اور تحفظ کو یقینی بنانے کے لیے متعلقہ حکام کے ساتھ رابطے میں ہے۔
