اسلام آباد: مقامی عدالت نے صحافی وحید مراد کی درخواست ضمانت منظور کرتے ہوئے انہیں رہا کرنے کا حکم دے دیا۔
اسلام آباد کی جوڈیشل مجسٹریٹ عباس شاہ کی عدالت میں صحافی وحید مراد کی درخواست ضمانت پر سماعت ہوئی، جہاں عدالت نے 50 ہزار روپے کے مچلکوں کے عوض ضمانت منظور کرتے ہوئے ان کی رہائی کا حکم دیا۔
بعد ازاں، عدالت نے وحید مراد کی جانب سے مچلکے کم کرنے کی درخواست بھی منظور کرلی اور ضمانتی رقم 50 ہزار سے کم کر کے 20 ہزار روپے مقرر کر دی۔
واضح رہے کہ صحافی وحید مراد کو دو روز قبل اسلام آباد سے گرفتار کیا گیا تھا، تاہم ان کی رہائی کے بعد صحافتی حلقوں میں خوشی کا اظہار کیا جا رہا ہے۔
