سڈنی: کرکٹ آسٹریلیا نے اپنے ہوم انٹرنیشنل سیزن 2025-26 کے مکمل شیڈول کا اعلان کر دیا ہے، جس کے تحت آسٹریلیا کے 11 شہروں کے 14 مختلف میدانوں میں بین الاقوامی میچز کھیلے جائیں گے۔
جنوبی افریقا کی ٹیم آسٹریلیا کے خلاف 3 ٹی ٹوئنٹی اور 3 ون ڈے میچز کی سیریز کھیلے گی، جو 10 اگست 2025 سے شروع ہوگی۔
آسٹریلیا اور بھارت کے درمیان 3 ون ڈے اور 5 ٹی ٹوئنٹی میچز کی سیریز کھیلی جائے گی۔
پہلا ون ڈے 19 اکتوبر کو پرتھ میں ہوگا۔
دوسرا ون ڈے 23 اکتوبر کو ایڈیلیڈ میں کھیلا جائے گا۔
تیسرا اور آخری ون ڈے 25 اکتوبر کو سڈنی میں ہوگا۔
ٹی ٹوئنٹی سیریز کا آغاز 29 اکتوبر سے ہوگا:
پہلا ٹی ٹوئنٹی 29 اکتوبر کو کینبرا میں کھیلا جائے گا۔
آخری تین ٹی ٹوئنٹی میچز 2، 6 اور 8 نومبر کو ہوبارٹ، گولڈ کوسٹ اور برسبین میں ہوں گے۔
آسٹریلیا اور انگلینڈ کے درمیان ایشیز سیریز کا ڈے اینڈ نائٹ ٹیسٹ میچ 21 نومبر سے برسبین میں ہوگا، جبکہ کرسمس ٹیسٹ ایڈیلیڈ میں کھیلا جائے گا۔
بھارت کی ویمنز کرکٹ ٹیم فروری 2026 میں آسٹریلیا کا دورہ کرے گی، جس میں 3 ٹی ٹوئنٹی، 3 ون ڈے اور 1 ڈے اینڈ نائٹ ٹیسٹ میچ شامل ہوگا۔
