راولپنڈی: پاک بحریہ کی زیر قیادت کمبائنڈ ٹاسک فورس 151 (CTF-151) کی معاونت سے پی این ایس اصلت نے صومالیہ کے مشرقی ساحل پر بحیرہ عرب میں کاونٹر پائریسی پیٹرولنگ کی کارروائی کی۔
پاکستان نیوی کی قیادت میں CTF-151 خلیج عدن اور صومالیہ کے مشرقی ساحل کے قریب بحری قزاقی کے خطرے کے پیش نظر موثر اقدامات کر رہی ہے۔ اس پیٹرول کا مقصد بحری قزاقی، مسلح ڈکیتی اور دیگر غیر قانونی سرگرمیوں کو روکنا تھا، تاکہ سمندری تجارت کا آزادانہ تسلسل برقرار رکھا جا سکے۔
پی این ایس اصلت کی یہ کاونٹر پائریسی پیٹرولنگ پاک بحریہ کے عزم کی عکاسی کرتی ہے جو خطے میں سمندری تحفظ اور امن قائم کرنے کے لیے مصروف عمل ہے۔
