کراچی: گلشن اقبال نیپا کے قریب ایک افسوسناک واقعہ پیش آیا جہاں ایک معصوم بچہ کھلے مین ہول میں گر گیا۔ عینی شاہدین کے مطابق ابراہیم نامی بچہ اہلِ خانہ کے ساتھ شاپنگ کے لیے آیا تھا۔ سٹور سے باہر نکلتے ہی وہ بھاگتے ہوئے کھلے مین ہول میں جا گرا، جبکہ ماں ریسکیو اہلکاروں سے مدد کی منتیں کرتی رہی۔
شہر میں ٹرالرز، ڈمپرز اور اب کھلے مین ہول شہریوں کی جانوں کے لیے خطرہ بنتے جا رہے ہیں۔ ریسکیو ذرائع کے مطابق رواں سال کراچی میں 24 افراد کھلے مین ہولز اور نالوں میں گر کر زندگی کی بازی ہار چکے ہیں جن میں 19 مرد اور 5 بچے شامل ہیں۔ شہریوں نے انتظامیہ سے فوری اقدامات کی اپیل کی ہے تاکہ مزید جانیں ضائع ہونے سے بچائی جا سکیں۔
