کراچی: منوڑہ میں 2 کشتیوں میں تصادم سے 2 خواتین جاں بحق

کراچی منوڑہ میں 2 کشتیوں میں تصادم سے 2 خواتین جاں بحق 0

کراچی: کیماڑی کے قریب سمندر میں دو لانچوں کے ٹکرا جانے کا افسوسناک حادثہ پیش آیا جس میں دو خواتین جاں بحق ہو گئیں۔ ریسکیو حکام کے مطابق منوڑہ سے بابا بھٹ جانے والی دو کشتیوں میں تصادم ہوا، حادثے میں ایک خاتون موقع پر ہی جاں بحق ہوئی جبکہ زخمی ہونے والی ایک لڑکی اسپتال میں دم توڑ گئی۔

ایس ایس پی کیماڑی امجد شیخ نے بتایا کہ دونوں کشتیوں میں 20 سے 25 افراد سوار تھے۔ ریسکیو ٹیموں نے بروقت کارروائی کرتے ہوئے تمام افراد کو بحفاظت نکال لیا، جن میں سے 12 افراد زخمی ہوئے، جنہیں فوری طور پر نجی اسپتال منتقل کر دیا گیا ہے۔

حکام کے مطابق حادثے کی تحقیقات جاری ہیں تاکہ تصادم کی اصل وجہ معلوم کی جا سکے۔

اس خبر پر اپنی رائے کا اظہار کریں

اپنا تبصرہ بھیجیں