اسلام آباد: چیف آف ڈیفنس فورسز کے نوٹیفکیشن سے متعلق وفاقی حکومت نے اپنا واضح مؤقف جاری کر دیا ہے۔ وزیر دفاع خواجہ آصف نے سماجی رابطے کی سائٹ ’ایکس‘ پر بیان میں کہا ہے کہ اس عہدے کے نوٹیفکیشن کا عمل شروع ہو چکا ہے، تاہم اس حوالے سے بلاوجہ قیاس آرائیاں کی جا رہی ہیں۔
خواجہ آصف کا کہنا تھا کہ چیف آف ڈیفنس فورسز کا نوٹیفکیشن مناسب وقت پر جاری کر دیا جائے گا، اور اس معاملے پر مزید چہ مگوئیوں کی کوئی گنجائش نہیں ہے۔ انہوں نے واضح کیا کہ حکومت اس معاملے کو ذمہ داری کے ساتھ آگے بڑھا رہی ہے۔
وزیر دفاع نے مزید بتایا کہ وزیراعظم شہباز شریف جلد وطن واپس پہنچ رہے ہیں اور ان کی واپسی پر ہی باقاعدہ نوٹیفکیشن جاری کیا جائے گا۔
