راولپنڈی : بانی پاکستان تحریک انصاف (پی ٹی آئی) عمران خان سے جیل میں ان کی بہن عظمیٰ خان اور وکیل سلمان صفدر نے ملاقات کی۔ جیل انتظامیہ نے ملاقات کی اجازت جیل مینول کے مطابق دی اور اس شرط عائد کی کہ ملاقات کے دوران یا بعد میں کسی قسم کی سیاسی گفتگو یا سرگرمی نہیں کی جائے گی۔
ذرائع کے مطابق، یہ فیصلہ تحریک انصاف کی جانب سے ملاقات کے لیے نامزد افراد کے حوالے سے ایک دانشمندانہ اقدام تھا۔ ملاقات کے دوران اور بعد میں قواعد و ضوابط کی پاسداری ضروری ہے تاکہ مستقبل میں بھی فیملی اور وکلاء کی ملاقاتوں کا سلسلہ جاری رکھا جا سکے۔
ملاقات کے بعد عظمیٰ خان نے میڈیا سے گفتگو میں کہا کہ بانی پی ٹی آئی عمران خان کی صحت بالکل ٹھیک ہے اور وہ دونوں بہنوں سے مشاورت کے بعد تفصیلی بات کریں گی۔
