اسلام آباد: کرغزستان کے صدر صادر ژپاروف دو روزہ دورے پر اسلام آباد پہنچ گئے، جہاں صدرِ مملکت آصف زرداری اور وزیراعظم شہباز شریف نے ان کا استقبال کیا۔
صدر ژپاروف کو 21 توپوں کی سلامی دی گئی۔ کرغز صدر وزیراعظم شہباز شریف کی دعوت پر پاکستان کے دو روزہ دورے پر آئے ہیں۔
دورے کے دوران صدر صادر ژپاروف کی صدر آصف علی زرداری اور وزیراعظم شہباز شریف سے ملاقاتیں متوقع ہیں۔ علاوہ ازیں، کرغز وفد کی پاکستانی سیاسی و عسکری قیادت سے بھی ملاقاتیں شیڈول ہیں۔
اس موقع پر دونوں ممالک کے درمیان متعدد اہم معاہدوں اور مفاہمتی یادداشتوں پر دستخط کیے جائیں گے، جن سے دو طرفہ تعلقات مزید مضبوط ہونے کی توقع ہے۔
