اسلام آباد: وزیراعظم کے مشیر رانا ثنا اللہ نے ایک انٹرویو میں دعویٰ کیا ہے کہ سابق آرمی چیف جنرل (ر) قمر جاوید باجوہ نے ایک ملاقات کے دوران سابق ڈی جی آئی ایس آئی فیض حمید سے کہا کہ “رانا بہت موٹا ہوگیا ہے، اسے دوبارہ سمارٹ بناؤ”۔
رانا ثنا اللہ نے مزید کہا کہ بانی پی ٹی آئی عمران خان کے دور میں اہم معاملات فیض حمید، جنرل (ر) باجوہ اور عمران خان کی مرضی کے مطابق چل رہے تھے۔ ان کا کہنا تھا کہ یہ تصور بھی نہیں کیا جا سکتا کہ کوئی حاضر سروس افسر آرمی چیف کی اجازت کے بغیر جھوٹا مقدمہ بنا دے اور اگلے دن اس کا کورٹ مارشل نہ ہو۔
مشیر وزیراعظم نے بیان دیا کہ ایک بریفنگ کے دوران جنرل باجوہ اور فیض حمید سے بات ہوئی، جس میں جنرل باجوہ نے کہا کہ “رانا بہت موٹے ہوگئے ہو، جیل میں بہت سمارٹ تھے، فیض، رانا صاحب کو دوبارہ سمارٹ بناؤ”۔ اس پر رانا ثنا اللہ نے جواب دیا کہ “مجھے مقدمہ آپ نے ہی بنوایا، اللہ اس دنیا میں اس کا حساب کرے گا”۔
