وشاکاپٹنم: *آئی سی سی ویمنز ورلڈ کپ 2025* میں آسٹریلوی خواتین کرکٹ ٹیم نے *بنگلادیش کو 10 وکٹوں سے شکست* دے کر ایونٹ کا *سیمی فائنل* کھیلنے والی *پہلی ٹیم* ہونے کا اعزاز حاصل کرلیا۔
میچ کا آغاز آسٹریلیا کی جانب سے *بولنگ کا انتخاب* کرتے ہوئے ہوا۔ بنگلادیشی بلے باز آسٹریلوی بولنگ کے سامنے زیادہ دیر نہ ٹھہر سکیں اور وقفے وقفے سے وکٹیں گرتی رہیں۔ تاہم *سوبھانا موستاری* نے شاندار بیٹنگ کا مظاہرہ کرتے ہوئے *66 رنز کی ناقابل شکست اننگز* کھیلی، جب کہ *ربعیہ حیدر* نے 44 رنز بنائے۔ بنگلادیشی ٹیم نے *مقررہ 50 اوورز میں 9 وکٹوں کے نقصان پر 198 رنز* اسکور کیے۔
جواب میں آسٹریلیا کی اوپنرز نے بنگلادیشی بولنگ کو مکمل طور پر بے بس کر دیا۔ *ایلیسا ہیلی* نے صرف 77 گیندوں پر *113 رنز* کی طوفانی اننگز کھیلی، جو اس ایونٹ میں ان کی *مسلسل دوسری سنچری* ہے۔ ان کا ساتھ دیا *لیچ فیلڈ* نے، جنہوں نے 72 گیندوں پر *84 رنز* کی ناقابل شکست اننگز کھیلی۔
آسٹریلیا نے *25ویں اوور* میں ہدف حاصل کر کے بنگلادیش کو *10 وکٹوں سے شکست* دی۔
اس فتح کے بعد آسٹریلیا 5 میچز میں *9 پوائنٹس* کے ساتھ *پوائنٹس ٹیبل پر پہلی پوزیشن* پر براجمان ہے۔
دیگر ٹیموں کی پوزیشن کچھ یوں ہے:
* *انگلینڈ* دوسرے نمبر پر
* *جنوبی افریقہ* تیسرے
* *بھارت* چوتھے نمبر پر موجود ہے
