واشنگٹن: سابق امریکی صدر ڈونلڈ ٹرمپ نے کہا ہے کہ شام پر سخت اقتصادی پابندیوں کے خاتمے نے ملک کے لیے مثبت نتائج پیدا کیے۔ سوشل میڈیا پر اپنے بیان میں ٹرمپ کا کہنا تھا کہ شام میں امریکی اقدامات مؤثر ثابت ہوئے ہیں اور خطے میں استحکام کے لیے اٹھائے گئے اقدامات سے وہ مطمئن ہیں۔
ٹرمپ نے اپنے بیان میں کہا کہ پابندیاں ختم ہونے کے بعد شام کی صورتحال میں بہتری آئی ہے اور نئے شامی صدر احمد الشراع ملک میں مثبت تبدیلیوں کے لیے کوشاں ہیں۔ انہوں نے امید ظاہر کی کہ اسرائیل شام کے ساتھ مضبوط اور مثبت مکالمہ جاری رکھے گا۔
سابق امریکی صدر کا کہنا تھا کہ اسرائیل کو شام کی ترقی کی راہ میں رکاوٹ نہیں بننا چاہیے، جب کہ شام کی قیادت بہتر مستقبل اور پائیدار تعلقات کے قیام کے لیے سنجیدہ کوششیں کر رہی ہے۔ ان کا مزید کہنا تھا کہ امریکا شام میں اپنی کاوشوں اور نتائج پر خوش ہے اور پابندیاں ختم کرنے سے شامی عوام اور حکومت دونوں کو فائدہ ہوا۔
