تل ابیب: اسرائیلی وزیراعظم بینیامین نیتن یاہو نے شام کے ساتھ ممکنہ معاہدے اور امریکا کے تعلقات کے حوالے سے ایک بیان جاری کیا ہے۔ نیتن یاہو نے کہا کہ شام کے ساتھ معاہدہ حالات کی بہتری پر جلد طے کیا جا سکتا ہے اور یہ معاہدہ مثبت ارادوں اور اصولوں کی بنیاد پر ممکن ہوگا۔
وزیراعظم نے مزید کہا کہ اسرائیل شام کی سرحد پر مکمل غیر عسکری بفر زون کا خواہاں ہے، جس میں دمشق اور ماؤنٹ ہرمن سمیت قریبی علاقے شامل ہوں۔ نیتن یاہو نے اپنے عوام کے دفاع کے عزم کا اظہار کرتے ہوئے کہا کہ سرحدی کمیونٹیز اور شمالی محاذ پر اسرائیل ہر قسم کے خطرات سے نمٹنے کے لیے تیار ہے۔
انہوں نے مزید کہا کہ اسرائیل دروز اتحادیوں کے تحفظ اور دہشت گردانہ کارروائیوں کو روکنے کے لیے ضروری اقدامات جاری رکھے گا۔ سرحدی علاقوں سے زمینی، میزائل اور دیگر حملوں کو روکنا حکومت کی اولین ترجیح ہے۔
نیتن یاہو کے مطابق بفر زون میں ماؤنٹ ہرمن اور قریبی علاقے بھی شامل کیے جانے چاہئیں تاکہ علاقے کی سلامتی کو یقینی بنایا جا سکے۔
